كيكة بالليمون بلا بيض كتجي روعة

حتى تزيني سيدتي المائدة في شهر رمضان، مجلتكم تقدم لكي شهيوات من نوع خاص.

كيكة بالليمون وبلا بيض كتجي خفيفة واخة مفيهاش البيض
غدي نحتاجو
كاس كبير عصير الليمون
3 كيسان حتى ل 4 الدقيق
كاس ونصف سنيدة
م ك الخل وم ص عصير الحامض
كاس لاروب زيت
3 خمارات وفاني
م ك قشور الليمون
نديرو سنيدة والزيت وقشور الليمون وعصير الليمون ونخدمو الكل مزيان حتى تدوب سنيدة نزيدو ا

نغربلو الدقيق والخمارات ونخلطو الكل ونزيدوه على الخليط الاول

نكبوه في مول مدهون ومرشوش بالطحين وندخلوه يطيب
مني يوجد نقلبوه فوق شبكة ونخليوه يبرد

ممكن ندهنوه بالكونفتير ونرشوه بالكوك
انا فضلت نقدمو مع كريمة الليمون وزينتو بحبيبات الشوكلاط
الكريمة متكونة من عصير الليمون وم ك النشا و2م سنيدة ونطيبوهم فوق النار انا مكثرتش النشا حيث بغيتها خفيفة ونكبوها فوق الكيك
وبالصحة والراحة