بغيت نشاركم القصة ديالي و النصائح ديالكم غادي ناخدها بعين الإعتبار ان شاء الله
انا فتاة عندي 24 سنة، كنشتغل والحمد لله، كنت تعرفت على واحد سيد ف واحد الخدمة سابقة، سي متدين؛ ناويني حلاله، لكن مازال ماواجدش ماليا خصوصا انه من مدينة اخرى غير للي حنا كنشتغلو فيها… تفاهمنا على كلشي تقريبا لكن مازال خاصو على الأقل عام إيلا بغينا نتزوجو..و غادي نعيشو فمستوى مادي بسيط. المشكل الآخر هو أن المستوى الدراسي ديالو أقل مني و حتى الراتب كذلك.
هاد شي كلشي أنا عارفاه نهار لول و قابلة بيه… لانني كنحس تجاهه إحساس جميل و هو كذلك.
المشكل الحالي أن واحد سيد اخر دخل على الخط، زميل دراسة قديم للي ما شفتوش و مسمعتش عليه قرابة تلات سنوات، اتصل بيا عن طريق البريد الإلكتروني.. و للي كيقول انه كان دائما معجب بيا، لكن ماكانش قادر يصارحني، و أنه نوى يكمل نص دينه و فكر فيا أنا كشريكة حياته، و عطاني معلومات للي غادي تساعدني ف اتخاد القرارـ حسب وجهة نضره ـ و اللي هوما (المستوى الدراسي،الراتب، الدار، السيارة..)
و زاد وضح ليا بللي الفكرة جاتو لانه بغا يجمع راسه ولأنه كيحس بللي بعد على طريق الله بزاف.. وانه للي كيحس بيه تجاهي مجرد إعجاب و أنه الحب ضروري غادي يجي يجي من بعد الزواج، وأنه مقتنع بيا و فكر فيا بعقله.